Croquetas de espinaca e grelo

Ingredientes (8 persoas, depende da fame):

• 1 vaso de aceite de oliva


• 2 vasos de fariña de trigo


• 1 litro leite de soia ou caldo de verduras


• 1 ramallo de grelos


• 1 ramallo de espinacas


• 1 cebola


• 2 dentes de allo


• Pan raiado


• Perexil


• Nuez moscada


• Pementa


• sal ó gusto

Preparación

Cocemos os grelos, as espinacas a cebola (picada) e mais o allo en abundante auga con sal durante 25 minutos. Unha vez cocidas as verduras escurrimo-lo auga e reservámo-lo caldo. Podemos usalo para cocer noutra ocasión, para sustituí-lo leite de soia a hora de facer a beshamel, ou para bebelo directamente. Desta forma aproveitamos os nutrientes que quedan disoltos no auga, e mais aforramos de gastar auga nova.

Nunha pota un chisco alta, ponse o aceite a quentar e, antes de que ferva, bótaselle a fariña e reméxese enérxicamente ata formar unha pasta homoxénea. Unha vez temos os 2 ingredientes ben misturados, empezamos a botá-lo leite de soia de pouco en pouco sen deixar de remexer. Nesta parte debemos ser moi constantes para evitar que se formen grumos e non votar de novo leite de soia ata que teñamos na pota boa mistura. Repetimos o proceso de botar leite de soia ata ober unha beshamel moi espesa. É preferible que nos sobre un pouco de leite a que a beshamel quede solta, porque se non, non seremos capaces de darlle forma as croquetas.
Misturamos a beshamel cos grelos as espinacas a cebola e o allo, e trituramos todo con axuda dunha batidora, para despois aderezar con nuez moscada, pementa e sal. Unha vez temos a beshamel de verduras, collocámo-la nun recipiente amplo e esperamos a que enfríe o suficiente como para metelo na neveira, onde ficará durante 2 horas para que compacte.

Rematado este periodo colocamos nun prato o pan raiado cun pouco perexil ben picadiño , e imos dandolle forma de croqueta coas mans á beshamel, e rebozandoas co pan raiado . Se a beshamel nos quedou demasiado solta, podemos espesar cun pouco pan raiado.
Poñemos nunha tixola abundante aceite a ferver e cando esté ben quente imos botando as croquetas, para despois, unha vez esten doradas, ilas depositando sobre un prato cuberto de papel de cociña para que absorba o aceite sobrante.

Para rematar,pódense servir acompañadas de leituga aliñada ou tomate cortado en dados con allo picado, ou cenoura raiada, ainda que soas xa representan un delicioso entrante.

Bon probeito!